21 Marsi – Dita Botërore e Sindromës Down
Përshkrimi
21 Marsi – Dita Botërore e Sindromës Down
Sot, në vitin e 11-të të Ditës Botërore të Sindromës Down, ne i bashkohemi përpjekjeve për të rritur ndërgjegjësimin dhe për të promovuar përfshirjen e plotë të personave me këtë sindromë në shoqëri.
Çfarë është Sindroma Down?
Sindroma Down nuk është një sëmundje, por një çrregullim kromozomik që ndodh kur një person ka një kromozom shtesë në çiftin e 21-të. Kjo prani e një kromozomi më shumë ndikon në zhvillimin fizik dhe mendor, por me mbështetje të duhur, individët me Sindromën Down mund të kenë një jetë të lumtur dhe të pavarur.
3 llojet e Sindromës Down:
Trizomia 21 e Lirë – Forma më e zakonshme (90% e rasteve), ku çdo qelizë ka një kromozom shtesë në çiftin e 21-të.
Trizomia 21 Mozaik – E rrallë (më pak se 2% e rasteve), ku disa qeliza kanë numër normal kromozomesh, ndërsa të tjerat kanë një kromozom shtesë.
Trizomia 21 Translokacion – Haset në 3-4% të rasteve, ku pjesë të kromozomit 21 lidhen me një kromozom tjetër.
Rëndësia e ndërhyrjes së hershme
Mbështetja e duhur dhe terapitë e specializuara (si terapia fizike, terapia e të folurit dhe terapia e zhvillimit) luajnë një rol kyç në përmirësimin e cilësisë së jetës së fëmijëve me Sindromën Down.
Suporti psikologjik për prindërit është po aq i rëndësishëm! Përballja me një realitet të ri mund të jetë sfiduese, ndaj këshillimi, psikoterapia dhe grupet mbështetëse ndihmojnë prindërit të jenë burimi më i fortë i dashurisë dhe zhvillimit për fëmijët e tyre.
Sot dhe çdo ditë, le të promovojmë barazinë, dashurinë dhe pranimin për të gjithë!
Rruga Shkupi, Nr 25, pranë QKUK-së, Pristina, Kosovo
038 221 661
info-ks@spitaliamerikan.com
-
Numri i telefonit:+1 (711) 257-3471
-
Numri i celularit: +1 (711) 257-3471
Shto një rishikim
-preview.jpg)
Rishikimet e klientëve