Sulmi epileptik në të shumtën e rasteve nënkupton humbjen e vetëdijes dhe shtangimet e gjeneralizuara trupore, të cilat paraqesin një pamje frikësuese për rrethinën e cila bëhet dëshmitare e këtij sulmi. Për shkak të shtangimit të muskujve në tërë trupin, individët që pësojnë sulm epileptik shpesh e kanë trupin të shtangur "si dërrasë" apo trupi i tyre "dridhet" në formën e etheve të fuqishme, nofullat i kanë të shtangur dhe për këtë arsye mund të kenë vështirësi në frymëmarrje, nxihen në fytyrë, jargët rrjedhin nga goja dhe urina mund të shpëtojë pa vullnetin e tyre.Në kushte normale, sulmi epileptik i tillë zgjat rreth një apo dy minuta dhe shpesh nuk kemi mundësi që të ndërhyjmë në ndërprerjen e sulmit, përkatësisht sulmi ndërpritet spontanisht. Masat e përgjithshme që duhen ndërmarrë që pacienti të mos lëndohet janë:Çfarëdo gjësendi apo objekti që ndodhet në afërsi të pacientit dhe i cili mund ta lëndojë atë largohet;Shamia përreth qafës apo kravata apo çdo lloj veshjeje tjetër që mund të jetë rreth qafës po ashtu largohet;Hedhja e ujit në kokë apo shpërlarja e trupit me ujë apo diçka tjetër zakonisht nuk ka ndonjë dobi;Pacienti me trup të shtangur dhe me levizje të pakontrolluar nuk duhet të mbahet dhunshëm nga familjarët, por duhet të sigurohet vetëm që personi të mos bie nga shtrati apo të mos goditet për ndonjë gjësend të fortë;Nuk duhet të mundohemi që me forcë ta hapim gojën apo ta çlirojmë nofullën;Pacienti duhet të kthehet anash në mënyrë që mos ta përpijë gjuhën apo të vjellat eventuale të mos kthehen në rrugët e frymëmarrjes duke i bllokuar ato;Pas përfundimit të sulmit, pacienti për një kohë do të jetë zakonisht pa vetëdije, por me trup të lëshuar. Kjo kohë duhet të shërbejë që ai të bartet deri te qendra më e afërt shëndetësore në mënyrë që të bëhen hulumtimet e mëtejme dhe të ofrohet trajtimi bashkëkohor mjekësor.Për më shumë informacion kontaktoni në inbox ose në numrat e telefonit 038 221 661 ose 049 513 513.Spitali Amerikan, Përqafoje Jetën!