Çfarë është azoospermia?Azoospermia është mungesa e spermës në derdhje dhe vetë diagnoza konfirmohet pas përcaktimit të mungesës së spermës në dy derdhje radhazi. Azoospermia mund të ndahet në azoospermi obstruktive dhe azoospermi jo-obstruktive. Është shumë e rëndësishme të përcaktohet se çfarë lloj azoospermie është e pranishme.Llojet e Azoospermisë- Azoospermia obstruktive përfshin një pengesë fizike që parandalon daljen e spermës me ejakulim si vazektomia, cistat, etj.Prodhimi i spermës është i mundur, por për shkak të pengesave në vas deferens, ato nuk arrijnë deri në ejakulim dhe nuk janë të pranishme në ekzaminimin mikroskopik.Shkaqet mund të jenë të lindura ose të fituara (lëndime, operacione ose infeksione).Zgjidhja për këtë formë të azoospemisë është heqja kirurgjikale e obstruksionit: PESA (aspirimi perkutan i spermës nga epididymisi), MESA (aspirimi mikrokirurgjik i spermës nga epididymisi), TESA (Aspirimi i spermës nga testisi me gjilpërë), TESE. (Izolimi i spermës nga testisi- Azoospermia jo-obstruktive është mungesa e spermës në lëngun seminal për shkak të prodhimit jonormal. Është një gjendje në të cilën testikujt nuk prodhojnë spermë. Rreth 60% e të gjitha rasteve të azoospermisë konsiderohen si azoospermi jo-obstruktive.Shkaqet më të shpeshta të kësaj gjendje janë: mutacionet gjenetike ose çrregullimet kromozomale, kriptorkizmi bilateral (testise të pazbritura), inflamacioni i testikujve, shkaqet hormonale, radioterapia ose kimioterapia.Përveç këtyre faktorëve, ka edhe kushte të tjera që mund të çojnë në dëmtimin e indeve të testisit si: trajtimi joadekuat i sëmundjeve të fëmijërisë dhe temperaturat e larta në periudhën parapubertetike, ekspozimi i vazhdueshëm ndaj agjentëve negativ kimik ose fizik (p.sh. shoferë profesionistë, minatorë, etj.). trauma e të cilit mund të jetë e menjëhershme ose e përhershme.Duke ndjekur standardet më moderne botërore mjekësore, urologët në bashkëpunim me embriologët tanë, arrijnë të gjejnë spermë tek pacientët e diagnostikuar me azoospermi joobstruktive.