Shumica e personave që punojnë në zyrë dhe para një kompjuteri për orë të vazhdueshme vuajnë nga dhimbjet e qafës Këto dhimbje në shumicën e rasteve kalojnë vetë për rreth 6 javë. Segmenti cervikal i kurrizit është segmenti më dinamik i shtyllës kurrizore. Këtu kryhen lëvizjet në të gjitha drejtimet: lakimi, shtrirja, rrotacioni, lëvizja mbrapa- përpara, lëvizjet anësore dhe më shpesh kombinimi i të gjitha këtyre lëvizjeve. Dhimbjet në qafë mund të shkaktohen nga një sërë gjendjesh të ndryshme. Në të njëjtën mënyrë si me sëmundjet e tjera, gjëja më e rëndësishme është të merret diagnoza e saktë nga një mjek neurolog i specializuar. Shumica e këtyre dhimbjeve kalojnë për 6 javë ndersa trajtimi zakonisht është konzervativ. Dhimbja akute në qafë nuk përhapet në krahë, por shfaqet vetëm në pjesën e qafës, shumë shpesh kjo lloj dhimbje është lidhur me dhimbje të forta që mund të lokalizohen në pjesën e prapme të qafës, kockën temporale ose rreth syve. Situata është alarmante nëse dhimbja është prezente edhe gjatë gjendjes së pushimit. Tek gjendjet më serioze, dhimbja në qafë është e pranishme edhe kur pacienti është duke pushuar, veçanërisht gjatë natës. Për këtë arsye për çdo dhimbje në qafë së pari duhet të bëhet një kontroll të detajuar neurologjike. Rezonanca magnetike MRI është është shumë e dobishme në përcaktimin e shkallës së dëmtimit të diskusit të qafës dhe ndryshimet në palcën kurrizore. Dhimbja afatgjatë tregon për degjenerim të diskut në qafë Pacientët që kanë dhimbje në qafë që zgjat më shumë se 12 javë më së shpeshti kanë degjenerim në diskun e qafës. Zakonisht këta pacientë ndiejnë dhimbje shoqëruese në krah ose shenja për shtypje mbi palcën kurrizore (miolopatia). Një nga shkaqet kryesore për këtë është aktiviteti i dobët fizik. Dhimbja ndihet gjatë lëvizjes. Në mëngjes pas çuarjes është shumë e fortë, ndërsa gjatë ditës zvogëlohet. Simptomat e tjera janë marramendje, kokëdhimbje dhe shtrëngim në qafë”. Për më shumë informacion, kontaktoni në inbox ose në numrat e telefonit 038 221 661 ose 049 513 513. Spitali Amerikan, Përqafoje Jetën!