Nga analizat hematologjike, ajo më e thjeshta që tregon për probleme të gjakut është hemogrami. Hemogrami ose analiza e gjakut komplet është një ekzaminim laboratorik bazë që ka për qëllim vlerësimin sasior të komponenteve kryesore qelizore të gjakut: Eritrocitet (rruazat e kuqe) – ku vlerat më të ulëta të hemoglobinës ose të eritrociteve (anemia) janë një sinjal që tregon humbje gjaku (fluks menstrual i shtuar, ulçera hemorragjike), pastaj mungesa ushqimore (të hekurit, vitamina B12, acidit folik), probleme të palcës kockore apo sëmundje të organeve të tjera. Kurse vlerat mbi normë mund të jenë tregues të sëmundjeve malinje të gjakut, si policitemia, etj. Leukocitet (rruazat e bardha) – mbrojnë organizmin nga agjentë infektiv ose substanca të huaja. Vlerat e ulëta (leukopenia) janë tregues të sëmundjeve të palcës kockore apo organeve të tjera, ndërsa vlerat mbi normë (leukocitoza ) janë tregues të infeksioneve bakteriale ose të sëmundjeve hematologjike (si leukemitë akute dhe kronike) . Trombocitet (pllakëzat e gjakut) – marrin pjesë në procesin e mpiksjes së gjakut. Vlerat nën normë tregojnë një rrezik të madh për hemorragji, ndërsa vlerat mbi normë mund të jenë tregues të sëmundjeve hematologjike, tumorale apo inflamatore. Prandaj, mos hezitoni t’i kryeni këto analiza, të domosdoshme për t’u kryer të paktën një herë në 6 apo 12 muaj dhe shumë të rëndësishme për shëndetin dhe jetën tuaj në përgjithësi. Për më shumë informata në lidhje me këto analiza apo edhe analizat tjera që i kryejmë, na shkruani në Facebook & Instagram, apo na vizitoni direkt në dy laboratorët tanë: Prishtinë: rr. Muslim Mulliqi, Ulpiana D-2 Hyrja VI nr. 1, përballë QKUK-së – 044 222 842 Podujevë: rr. 20 Qershori, përballë Spitalit 044 597 035