Për herë të parë në Kosovë, realizohet intervenimi endoskopik sinonasal polip në Spitalin Amerikan 1 në Prishtinë Një intervenim i rrallë dhe sfidues është kryer me sukses në Spitalin Amerikan, ku një fëmijë 6-vjeçar me patologji në zonën e sinusave iu nënshtrua një operacioni që zgjati rreth një orë e gjysmë. Intervenimi, i realizuar nga Dr. Arsim Thaçi, ndodhi të enjten në mëngjes dhe përfundoi me sukses. Prindërit, të emocionuar pas operacionit, falënderuan ekipin mjekësor për përkushtimin dhe profesionalizmin. “Sapo kemi përfunduar një operacion tek një fëmijë 6-vjeçar me një patologji të pazakontë në zonën e sinusit maksillar. Kjo patologji, e cila kishte arritur deri në 10 centimetra dhe kishte bllokuar rrugët e frymëmarrjes, ishte tepër sfiduese për t’u diagnostikuar, pasi simptomat shpesh ngjanin me ato të një alergjie,” tha Dr. Thaçi. SINONASAL POLIP = POLIP ANTROCHOANAL Patologjia në fjalë, e njohur si polip antrochoanal, është një polip me natyrë inflamatore që e ka origjinën nga antrumi i sinusit maksilar dhe hernion përmes ostiumit kryesor ose aksesor në zgavrën e hundës. Ky lloj polipi nuk ka etiologji alergjike dhe shpesh paraqet simptoma të tilla si: • Bllokim i njëanshëm i hundës • Obstruksion që mund të arrijë deri në nazofaring, duke shkaktuar frymëmarrje me gojë hapur, gërhitje dhe apnea të gjumit. Në këtë rast, heqja e plotë kirurgjikale me teknikën endoskopike ishte zgjidhja e vetme. Terapitë e tjera, si përdorimi i sprejve kortikosteroid lokal për hundë apo kortizon sistemik, nuk kanë rezultuar efikase për këtë lloj patologjie. Diagnoza u konfirmua vetëm pas rezonancës magnetike, duke i hapur rrugë intervenimit endoskopik të suksesshëm. Patologji të tilla janë shumë të rralla, dhe sipas Dr. Thaqit, realizimi i këtij intervenimi paraqet një arritje të rëndësishme për mjekësinë në Kosovë. Për më shumë informacion kontaktoni në numrat e telefonit 038 221 661/ 038607060/ 049 513 513/ 046607060 Spitali Amerikan, përqafoje jetën!