Gjenerata 2017/2018 janë fëmijët të cilët u rritën në ambientin e Genius Land. Filluan kopshtin në moshën njëvjeçare dhe ne jemi të lumtur që ishim pjesë e rritjes së tyre. Ne ishim të angazhuar gjatë gjithë këtyre pesë viteve që të kalonim çdo moment së bashku në mënyrën më të mirë, duke menaxhuar sfidat të cilat i sjell çdo moshë. Përderisa eksploronin botën dhe filluan të ngriheshin në këmbët e tyre, u kujdesëm që të mos lëndoheshin. Përderisa zhvillonin artikulimin dhe mësonin të shpreheshin, u kujdesëm që të mos kafshoheshin. Përderisa ndërtuan shoqëri mes vete, mësuan të besojnë tek njëri-tjetri dhe të jenë qytetarë të mirë globalë, të zhvillojnë sjellje sociale dhe të ndërtojnë marrëdhënie pozitive. Përderisa kaluam kohën në natyrë, mundësuam fëmijëve të vlerësojnë dhe respektojnë mjedisin natyror, të jenë të përgjegjshëm për mjedisin, ta kuptojnë ndërvarësinë midis njerëzve, bimëve, kafshëve dhe tokës. Përderisa kaluam çdo ditë së bashku dhe mësuam, menaxhuam dhe përjetuam shumë e shumë emocione dhe ngjarje nga fëmijët dhe me fëmijët, i ndamë ato me prindërit si bashkëpunëtorët dhe pjesën tonë të vazhdueshme. Jemi shumë falënderues për të gjithë pjesëmarrësit e këtij cikli që besuan dhe bashkëpunuan me ne për ta bërë fëmijërinë e hershme shumë të bukur. Duke qenë krenarë për çdo fëmijë të këtij grupi, ju urojmë të vazhdojnë edukimin dhe lumturinë e tyre në ciklet e mëtejshme. Faleminderit që na motivuat çdo ditë. Me shumë dashuri, Genius Land