GJEJ

Kur rekomandohet të bëhet testi Troponina I?

Kur rekomandohet të bëhet testi Troponina I?

Përshkrimi

Troponina I është një test gjaku i specializuar që mat praninë e një proteine shumë të ndjeshme, e cila lirohet në gjak kur qelizat e muskulit të zemrës dëmtohen.
Ky test është ndër parametrat më të rëndësishme për diagnostikimin e hershëm dhe të saktë të infarktit akut të miokardit (sulmit në zemër).
Kur rekomandohet të bëhet testi Troponina I?
Kur pacienti ka dhimbje gjoksi ose simptoma që ngjajnë me infarkt
Për të dalluar nëse simptomat janë nga zemra apo nga shkaktarë të tjerë
Për të ndjekur ecurinë e pacientëve me sëmundje kardiake kronike

Për të monitoruar dëmtimet e mundshme të zemrës pas ndërhyrjeve ose trajtimeve mjekësore

Çfarë tregojnë rezultatet?
Nivele të larta të Troponinës I tregojnë se ka ndodhur dëmtim i muskulit të zemrës, shpesh si pasojë e një infarkti.
Sa më i lartë niveli, aq më e madhe mund të jetë shkalla e dëmtimit.
Në raste emergjente, ky test shpëton jetë duke dhënë informacion të shpejtë dhe të qartë për gjendjen e zemrës.
Në ProLab, Troponina I kryhet me aparaturat më të avancuara dhe me standardet më të larta të saktësisë. Rezultatet e shpejta dhe të sigurta ndihmojnë mjekun tuaj të marrin vendimet e duhura për trajtimin e pacientëve në kohën më kritike!
Kujdesi për zemrën fillon me informimin e duhur. Nëse përjetoni dhimbje gjoksi, vështirësi në frymëmarrje, lodhje të pazakontë ose djersitje të tepërt, mos e neglizhoni sepse një analizë e thjeshtë mund të bëjë diferencën mes sigurisë dhe rrezikut!
Rezultati duhet të interpretohet së bashku me të dhënat klinike tjera të vlerësuara nga mjeku.