Mbahet konferenca përmbyllëse e projektit “Impakti i BE-së në Kosovë”
Përshkrimi
Mbahet konferenca përmbyllëse e projektit “Impakti i BE-së në Kosovë”
Është mbajtur konferenca përmbyllëse e projektit “Impakti i Bashkimit Evropian në Kosovë”, financuar nga programi Erasmus+, Jean Monnet Actions.
Qëllimi kryesor i këtij projekti ishte promovimi i vlerave evropiane si pajtimi ndër-etnik, solidariteti, dialogu social, toleranca, diversiteti dhe inkluzioni, si dhe demokratizimi dhe transformimi social. Përmes ligjëratave, punës kërkimore dhe aktiviteteve për shpërndarje të informatave, studentët janë angazhuar për të kuptuar më thellë se si këto vlera mund të kontribuojnë në ndërtimin e një shoqërie demokratike në Kosovë.
Rektori i Kolegjit AAB Blerim Olluri, vlerësoi rolin thelbësor të Bashkimit Evropian në Kosovë, veçanërisht në promovimin e paqes, stabilitetit dhe sundimit të ligjit. Ai theksoi se ky projekt u ka mundësuar studentëve të njohin ndikimin e BE-së dhe të zbatojnë këto vlera në jetën profesionale.
Në konferencë fjala iu dha edhe prorektores për Bashkëpunim Ndërkombëtar Venera Llunji, Koordinatorit të projektit, prof. Bashkim Rrahmani, ligjëruesit të modulit “Impakti i BE-së”, prof. Mentor Lecaj, profesorit dhe aktivistit të të Drejtave të Njeriut nga Universiteti “Saint Kliment Ohridski” në Maqedoninë e Veriut, Goran Iliç, si dhe Afërdita Syla-Shehut nga organizata “Community Building Mitrovica (CBM)”.
Më pas, për të ndarë përvojat e tyre si pjesë e projektit, u ftuan edhe studentet Shkurta Statovci dhe Fioralba Buna.
Konferenca u përmbyll me ceremoninë e ndarjes së certifikatave për studentët e gjeneratës së fundit që kanë ndjekur me sukses lëndët “Impakti i BE-së 1” dhe “Impakti i BE-së 2”.
Kjo konferencë përmbyllëse shënoi jo vetëm suksesin e projektit, por edhe përkushtimin e vazhdueshëm të Kolegjit AAB për edukimin e gjeneratave të reja mbi vlerat evropiane dhe rolin e tyre në ndërtimin e një shoqërie më të drejtë dhe gjithëpërfshirëse.
Elez Berisha, 56, Pristina, Kosovo
048 999 003
Info@aab-edu.net
-
Numri i telefonit:+383 48 999 003
-
Numri i celularit: +383 48 999 003
Shto një rishikim
Rishikimet e klientëve