Pneumonia është infeksioni që inflamon qeskat e ajrit (alveole) në njërën apo në të dyja anët e mushkërive. Alveolet mund të mbushen me lëng ose qelb duke shkaktuar kollë me sekrecione, temperaturë, të dridhura, vështirësi në frymëmarrje. Një sërë organizmash, duke përfshirë bakteret, viruset dhe kërpudhat, mund të shkaktojnë pneumoni. Simptomat Shenjat dhe simptomat e pneumonisë variojnë nga të lehta në të rënda, sipas faktorëve si lloji i mikrobit që shkakton infeksionin, mosha juaj dhe shëndeti i përgjithshëm. Shenjat dhe simptomat mund të përfshijnë: Dhimbje në gjoks kur merrni frymë ose kolliteni Konfuzion ose ndryshime në vetëdije (tek të rriturit 65 vjeç e lart) Kollë, e cila mund të jetë me sekrecione Lodhje Ethe, djersitje dhe dridhje Nauze, të vjella ose diarre Gulçim Kur të shkoni te mjeku Shkoni te mjeku juaj nëse keni vështirësi në frymëmarrje, dhimbje gjoksi, ethe të vazhdueshme prej 39 C ose më të lartë, kollë të vazhdueshme, veçanërisht nëse ka sekrecione. Është shumë e rëndësishme që personat që hyjnë në kategoritë më poshtë të shkojnë te mjeku: Të rriturit mbi 65 vjeç Fëmijët nën 2 vjeç me shenja dhe simptoma Personat me një gjendje themelore shëndetësore ose sistem imunitar të dobët Personat që marrin kimioterapi ose medikamente që ulin sistemin imunitar Për disa të rritur të moshuar dhe personat me dështim të zemrës ose probleme kronike të mushkërive, pneumonia mund të bëhet shpejt një gjendje kërcënuese për jetën. Si ta parandalojmë? Merrni vaksinën e gripit çdo vit. Pneumonia bakterale mund të zhvillohet pas një gripi. Merrni vaksinën “pneumococcale”. Kjo ndihmon në parandalimin e pneumonisë të shkaktuar nga bakteret pneumococcale. Kujdesuni për higjenën. Lani duart shpesh me sapun dhe ujë ose perdorni dezifenktues me bazë alkooli. Mos pini duhan. Praktikoni jetesë të shëndetshme: dietë e ekuilibruar, aktivitet fizik, gjumë i rregullt. Shmangni kontaktin personat e sëmurë. Për më shumë informacion, kontaktoni në inbox ose në numrat e telefonit 038 221 661 ose 049 513 513. Spitali Amerikan, Përqafoje Jetën! Rruga Shkupi, Nr 25, pranë QKUK-së, Pristina, Kosovo038 221 661info-ks@spitaliamerikan.com