Pse është i rëndësishëm testimi sasior i HCV-RNA-së ? Testimi i HCV-RNA përmes metodës RT-PCR përdoret për të përcaktuar nëse virusi i hepatitit C (HCV) ekziston në qarkullimin e gjakut. Nëse virusi është i pranishëm, testi gjithashtu mund të masë sasinë e saktë që është prezent në gjak. Sasia e virusit në gjak njihet si ngarkesa virale . Testi i HCV-RNA me metodën RT-PCR mund të ndihmoj gjithashtu mjekun të vendos se si të trajtoj më mirë virusin dhe të zvogëloj ngarkesën virale. Testimi me HCV-RNA para dhe gjatë trajtimit i ndihmon mjekut të shoh saktësisht se si trupi juaj reagon ndaj trajtimeve të caktuara. Cka është Hepatiti C ? Infeksioni nga virusi i hepatitit C shkakton hepatit akut ose kronik dhe mund të jetë pa shenja të dukshme klinike, çka në pjesën dërrmuese të rasteve çon në zbulimin e sëmundjes në stade shumë të rënduara. Rreth 15-45 përqind e personave të infektuar pastrohen në mënyrë spontane nga virusi, brenda 6 muajve të infektimit pa asnjë lloj trajtimi. Pjesa e mbetur prej 55-85 përqind e këtyre personave zhvillojnë hepatitin C kronik, ku rreziku i cirrozës së mëlçisë është 15-30 përqind brenda 20 viteve. Ky lloj hepatiti është i përhapur në mbarë botën. Si transmetohet ? Virusi i hepatitit C është një virus që mund të transmetohet në institucionet shëndetësore për shkak të ripërdorimit apo sterilizimin jo adekuat të pajisjeve mjekësore, mund të merret edhe nëpërmjet transfuzionit të gjakut dhe produkteve të tij të pakontrolluara. Një tjetër formë e transmetimit të virusit është edhe nëpërmjet rrugës seksuale, si dhe mund të kaloj nga një nënë e infektuar tek beba e saj. Gjithashtu duhet të dimë që hepatiti C nuk përhapet nëpërmjet qumështit të gjirit, ushqimit ose ujit, nga kontaktet e përditshme si puthja, përqafimi, ngrënia e ushqimit ose pirja nga një person i infektuar. Cilat janë shenjat e hepatitit C ? Periudha e inkubacionit (e fshehtësisë, dukjes pa shenja klinike) për hepatitin C shkon nga 2 javë deri në 6 muaj. Pas infektimit fillestar, përafërsisht 80 për qind e njerëzve nuk shfaqin asnjë simptomë. Ata njerëz që shfaqin shenja mund të kenë ethe, lodhje, rënie të oreksit, të përziera, të vjella, dhimbje barku, urinë të errët, feçe të çngjyrosura në gri, dhimbje të kyçeve, si dhe zverdhje të lëkurës dhe të bardhës së syve. Si mund të veprojmë për të parandaluar praninë e këtij infeksioni ? Akoma nuk ka vaksinë për hepatitin C. Megjithatë, rreziku i infeksionit mund të reduktohet duke shmangur rrezikun e ekspozimit ndaj infektimit si: injeksionet e panevojshme dhe të pasigurta, produktet e pasigurta të gjakut, grumbullimin e pasigurtë të shiringave e mbetjeve, përdorimin e drogave të paligjshme dhe shkëmbimin e mjeteve të injektimit, seksin e pambrojtur me njerëz të infektuar me hepatit C, ndarjen e gjërave personale të mprehta që mund të jenë ndotur me gjak të infektuar, bërjen e tatuazheve, piercings dhe akupunkturën me pajisje të infektuara dhe të pasterilizuara, etj. Ndërsa për njerëzit e infektuar me hepatit C, OBSH rekomandon: “edukimin e këshillimin mbi mundësitë që ekzistojnë për parandalim, kujdesin dhe trajtimin, vaksinimin kundër hepatitit A dhe B për të parandaluar bashkëinfeksionin nga këto lloj virusesh për të mbrojtur mëlçinë, trajtimin e hershëm dhe të përshtatshëm mjekësor, duke përfshirë terapinë antivirale nëse është e përshtatshme, si dhe monitorimin e rregullt për diagnostikimin e hershëm të hepatitit kronik”. Të gjitha këto testime kryhen nën përkujdesjen e mikrobiologes Ass.dr.Greta Lila dr.sci. Laboratori Vitalab është laboratori i parë dhe i vetëm në Kosovë dhe me gjerë i cili ofron testimin sasiror (kuantitativ) të hepatiti C HCV-RNA Për më shumë informata në lidhje me këto analiza apo edhe analizat tjera, na shkruani në Facebook apo na vizitoni direkt në dy laboratorët tanë: Prishtinë: rr. Muslim Mulliqi, Ulpiana D-2 Hyrja VI nr. 1, përballë QKUK-së – 044 222 842 Podujevë: rr. 20 Qershori, përballë Spitalit – 044 597 035