Përshkrimi i testit Ferritina në trup është proteina kryesore që ruan hekurin. Kështu, matja e nivelit të ferritinës është tregues i mirë i sasisë së depos së hekurit në trup. Niveli i ferritinës ulet përpara se të shfaqen simptomat e anemisë. Vlerësimi i nivelit të ferritinës, në lidhje me përcaktimin e nivelit të hekurit dhe kapacitetit total lidhjes së hekurit, përdoret në diagnozë diferenciale të llojeve të ndryshme të anemisë. Njohuri praktike Individët që konsiderohen të jenë në rrezik të lartë për mungesë të hekurit janë femrat e rritura, emigrantët, femrat adoleshente, personat me dieta ushqimore dhe ata që janë obezë. Foshnjat e lindura para kohe dhe me peshë të ulët janë gjithashtu në rrezik në rritje për mungesë hekuri. Matja e ferritinës mund të përdoret për vlerësimin e këtyre individëve pasi ka ndjeshmërinë dhe specifikë më të lartë për diagnostikimin e mungesës së hekurit te pacientët anemikë. Vlerat normale Meshkujt 30−300 ng/mL Femrat 15−160 ng/mL Kuptime të mundshme të vlerave jonormale E rritur te: • Anemia përveç mungesës së hekurit • Sëmundje inflamatore kronike • Sëmundja kronike e veshkave • Cirroza e mëlçisë • Hemokromatoza • Hemosideroza • Hipertiroidizmi • Infeksioni • Leuçemia • Malinjiteti • Policitemia • Talasemia E zvogëluar te: • Kirurgjia gastrointestinale • Hemodializa • Sëmundja inflamatore e zorrëve • Anemia nga mungesa e hekurit • Kequshqyerja • Menstruacionet • Shtatzënia Faktorët që kontribuojnë në vlerat jonormale rrejshëm të rritura ・marrja e suplementeve të hekurit dhe vakteve me përmbajtje të lartë hekuri ・pas transfuzioneve të gjakut Njohuri klinike Trajtimi i anemisë nga mungesa e hekurit me sulfat hekuri vazhdon për 3 deri 6 muaj përtej pikës kur hemoglobina kthehet në normale. Kjo lejon rimbushjen e rezervave të ferritinës. ・Marrja e vitaminës C fuqizon përthithjen e hekurit. Si të testohemi Para testit: nuk kërkohet evitim të ushqimit para testit. Gjatë testit: merret 3 ml mostër gjaku Pas testi: ushtroni presion 3 deri në 5 minuta në vendin e shpimit të venës. Testi kryhet me teknologji moderne dhe staf profesional e me përvojë në laboratorin Prolab. Kujdesi për shëndetin tuaj fillon këtu 049 789 410 Info@prolab-ks.com