Tryeza e Rrumbullakët
Përshkrimi
Në kuadër të “Javës së Don Boskos” më datën 2 shkurt 2024, në shkollën tonë u mbajt “Tryeza e Rrumbullakët” që tashmë është bëre traditë, dhe që gjithnjë e përzgjedh një temë nga aktualiteti i zhvillimeve shoqërore në interes të vetëdijesimit të nxënësve për ballafaqimin me to. Ketë vit, tema e këtij organizimi ishte “Bullizmi, sfidë dhembshurie e shoqërisë moderne”, ndërsa paneliste të kësaj tryeze ishin Prof. Asoc. Dr. Teuta Danuza, studiuese e mirëfilltë e këtij problemi shoqëror dhe autorja e librit “Në kthetrat e hijes së jetës” Drenusha Çoçaj, e cila dëshmoi mbi rrugëtimin e saj të vështirë të luftës ndaj bullizmit.
Prof. Asoc. Dr. Teuta Danuza prezantoi informata të vlefshme teorike mbi bullizmin, shtrirjen dhe pasojat e tij në të ardhmen, sidomos te nxënësit që janë viktimë e tij. Vlen të theksohet që Prof.ass. Teuta Danuza, bullizmin në shkollë jo vetëm që e kishte temë themelore studimi të tezës së doktoratës në Universitetin e Lubljanës, por këtë temë e ka studiuar edhe më tej në mënyrë sistematike, e për të cilën ka edhe punime shkencore në revista me recension ndërkombëtar.
Ndërsa Drenusha shpalosi përvojën e saj në përballje me bullizmin, humbjen e plotë të vetëbesimit që e dërgoi edhe drejt tentim vetëvrasjes, por edhe mbi ringritjen dhe triumfin në jetë përballë kësaj dukurie shoqërore shkatërrimtare të heshtur.
Ky organizim u përcoll edhe me disa pika të tjera si animacioni, një poezi mbi të njëjtën temë që u shoqërua me tingujt e pianos, ndërsa në fund Drejtoria i shpalli edhe dhjetë finalistët e ‘’Garës së Esesë’’, ndërsa u njoftua se radhitja e tri vendeve të para do të publikohet në manifestimin themelor të ‘’Festës së Shkollës’’ që do të mbahet më 9 shkurt.
Ky organizim kishte për qëllim t’i informojë nxënësit mbi bullizmin, shtrirjen dhe pasojat e tij, e njëkohësisht ata që bullizojnë ta kuptojnë sa negativisht ndikojnë në jetën e të tjerëve, e në të ardhmën edhe në qetësinë e ndërgjegjes së vet. Ndërsa, të bullizuarit e kishim qëllim t’i nxisim të ngrisin zërin, të kërkojnë ndihmë dhe njëkohësisht të kuptojnë që pena që do ta shkruajë historinë e jetës së tyre nuk duhet të lihet në dorë të askujt.
Organizimi u përmbyll me një koktej rasti në shenjë respekti dhe falënderimi për të pranishmit.
Don Bosko, 15, Pristina, Kosovo
038 600 169
info@donbosko-kosova.com
-
Numri i telefonit:+383 (0)38 600 169
-
Numri i celularit: +383 (0)38 600 169
Shto një rishikim
-preview.jpg)
Rishikimet e klientëve