GJEJ

Zgjerimi i gjëndrave limfatike

Përshkrimi

Zgjerimi i gjëndrave limfatike tek fëmijët shpesh i shqetëson prindërit. Kur prekin kokrra të vogla në qafë, nën sqetull apo në pjesën e sipërme të këmbëve, menjëherë mendojnë për sëmundjen më të keqe. Gjëndrat apo nyjet limfatike, reagojnë ndaj infeksioneve lokale dhe sistemike, me një aktivitet të rritur, gjatë të cilave zmadhohen dhe bëhen më të ndjeshme gjatë prekjes.
Sistemi limfatik është pjesë e rëndësishme e sistemit imunitar të organizmit, është një sistem mbrojtës i organizmit kundër sëmundjeve të ndryshme. Gjëndrat limfatike janë pjesë e sistemit limfatik, në të cilin pengohen dhe përqendrohen viruset, bakteret dhe materialet tjera, me qëllim që në fund t’i shkatërrojë me ndihmën e qelizave të bardha të quajtur limfocite.
Në moshën e fëmijërisë, gjëndrat limfatike shpesh zgjerohen në zonën e qafës, gjë që dëshmon një problem shëndetësor në zonën e zgavrës së gojës, hundës, fytit, sinuseve ose indeve të buta në fytyrë dhe qafë. Më të zakonshmet janë infeksionet virale që shkaktohen nga viruset respiratore dhe infeksionet bakteriale të traktit të sipërm respirator dhe bajamet (angina, inflamacioni i mukozës së hundës, laringut, sinuset, inflamacioni i veshëve, kariesi i dhëmbëve, inflamacioni i mishit të dhëmbëve).
Diagnoza në rastet tipike kryhet lehtë në bazë të informatave të prindërve mbi simptomat e fëmijës, ekzaminimi i fëmijës dhe ekzaminimet biokimike rutinë (leukocitet dhe formula e leukociteve).
Ekzaminime të tjera për të përcaktuar diagnozën e saktë përfshijnë:
• Nëse gjëndra e zgjeruar nuk largohen pas disa javëve që nga koha kur janë shfaqur;
• Nëse zgjerohet më shumë se sa në ditët e para;
• Nëse gjëndra bëhet më e fortë pas konsistencës, ndjeshmëri dhimbjeje gjatë prekjes ose e palëvizshme;
• Nëse ekzistojnë simptoma të tjera shoqëruese të sëmundjes: dhimbje fyti, sekrecion nazal për një kohë të gjatë, kollë, temperaturë e lartë e trupit;
• Nëse ekzistojnë ndryshime në gjendjen e përgjithshme: zvogëlimi i oreksit, humbja e peshës trupore, lodhja, djersitja gjatë natës, përfshirë edhe kruajtjen e lëkurës;
• Nëse shfaqen mavijosje në trup pa mos u goditur mëparë.
Për më shumë informacion, kontaktoni në inbox ose në numrat e telefonit 038 221 661 | 038 60 70 60 | 049 513 513 | 046 60 70 60.
Adresa: Rruga Shkupi, Nr 25, pranë QKUK-së Prishtinë
Spitali Amerikan, përqafoje jetën!