Dita e 29 Tetorit është Dita Botërore e Goditjeve Cerebrale në Tru. Kjo ditë është një mundësi për të rritur ndërgjegjësimin mbi shkaqet, simptomat, dhe parandalimin e goditjeve cerebrale në tru, një ngjarje e rëndë që mund të ketë pasoja të rënda për shëndetin dhe jetën e një individi.

Goditja cerebrale ndodh kur rrjedhja e gjakut drejt trurit është ndërprerë ose kur një enë gjaku në tru pëson mpiksje gjaku  si dhe plakja e enëve të gjakut. Kjo mund të shkaktojë dëmtim të përhershëm në tru dhe mund të çojë në humbjen e aftësive të ndryshme, përfshirë marrjen e ndërgjegjes, lëvizjen, dhe gjuhën.

Për të parandaluar goditjet cerebrale, është e rëndësishme të keni një stil jetese të shëndetshëm, të bëni kontrollet e rregullta mjekësore, të monitoroni presionin e gjakut, të kontrolloni nivelin e kolesterolit, të mos konsumoni duhan, dhe të kujdeseni për stresin. Një ndërgjegjësim i lartë rreth faktorëve rrezikues dhe shenjave të mundshme të goditjes cerebrale është hapi i parë drejt parandalimit dhe trajtimit të saj.

Spitali Amerikan në Kosovë dhe Departamenti i Neurologjisë, aplikon terapinë trombolitike, ajo tanimë është futur në përdorim të rregullt.

Terapia trombolitike është një procedurë mjekësore e përdorur për të shkatërruar goditjet të cilat janë shkaktuar nga bllokimet e enëve të gjakut nga trobet (thrombus). Këto bllokimet të quajtura emboli janë masat e gjakut të ngurta që formohen në enët e gjakut dhe mund të ndalojnë rrjedhjen e gjakut në tru ose në pjesë të tjera të trupit.

Afati kohor në të cilin ilaçi për shkrirjen e trombit i cili mund ti jepet pacientit është i kufizuar. Prandaj, të gjithë ata që përjetojnë simptoma të cilat mund të jenë në ndërlidhje me trurin duhet të paraqiten apo të sillen në spital jo më larg se 3 orë që nga fillimi i simptomave. Kjo nguti është që ti jepet kohë e mjaftueshme ekzaminimeve që duhet të bëhen në emergjencë, në mënyrë që kufiri maksimal i aplikimit të terapisë prej 4 orësh të mos tejkalohet.

Të gjitha këto simptoma mund të paraqiten në kombinime të ndryshme dhe veçoria kryesore është se ato shfaqen zakonisht papritmas, në mënyrë të përnjëhershme. Veprimi i parë i cili duhet të bëhet në emergjencë është që të realizohet së paku një tomografi kompjuterike e trurit, me të cilën do të përjashtohet prania e gjakderdhjes në tru dhe në mënyrë indirekte do të konstatohet infarkti. Po qe se edhe kriteret e tjera të parapara me udhëzimet ndërkombëtare përmbushen, atëherë pacienti në fjalë do të jetë kandidat i përshtatshëm për terapinë e lartpërmendur.

Aplikimi i terapisë trombolitike bëhet përmes rrugës venoze dhe kryhet në një periudhë kohore prej një orësh. Duke qenë se ilaçi paraqet një hollues të fuqishëm gjaku, duhet të merren masa të veçanta për t’i përcjellë efektet e mundshme anësore dhe gjendjen e përgjithshme të pacientit. Ekzistojnë rregulla strikte të cilat e kufizojnë përdorimin e ilaçit dhe krahas kohës e cila është kriteri kryesor, të gjitha të tjerat duhet të shqyrtohen me kujdes, në mënyrë që dobia e terapisë të jetë maksimale.

Për më shumë informacion, kontaktoni në inbox ose në numrat e telefonit 038 221 661 ose 049 513 513.

Spitali Amerikan, Përqafoje Jetën!