UBT-ART DHE MEDIA DIGJITALE
UBT - Higher Education Institution
ҪKA OFRON FAKULTETI I ART DHE MEDIA DIGJITALE
Qëllimi i programit Arti dhe Mediat Digjitale është që t’u ofrojë studentëve dije teorike dhe praktike, duke i ndjekur trendet e fundit të teknologjisë në mënyrë që kuadrot e dala nga ky institucion të jenë të dallueshëm në tregun e punës. Njohuritë teorike dhe praktike që do t’i marrin në UBT, atyre do t’u shërbejnë gjatë kryerjes së profesionit të tyre. Programi Arti dhe Mediat Digjitale është i dizajnuar në atë mënyrë që studentët t’i aftësojë përmes aplikimit të praktikave të duhura, si: vizatim, pikturim, modelim, fotografi, instalim, video efekte, imazhi digjital.Ky program u mundëson studentëve njohuri dhe praktika nga piktura, skulptura, instalimi, arti i performancës, video, filmi dhe animacioni.Programi është i dizajnuar për të prodhuar artistë kompetentë dhe të sigurtë, të cilët posedojnë aftësi kyçe dhe përgjegjësi personale dhe sociale, për të ndjekur praktikat e artit dhe medias digjitale në nivel profesional.Programi mirëpret sfidën e mjedisit të ndryshueshëm kulturor dhe shoqëror, të epokës së sotme post-industriale.Studentë tanë të ardhshëm i përkasin epokës digjitale, prandaj zotërimi i teknologjive digjitale, si programet e ndryshme kompjuterike dhe informacioni digjital, janë tashmë rutinë dhe pothuajse intuitive. Studentët zhvillojnë aftësi kërkimore, analitike, konceptuale dhe të të shkruarit, si dhe përvetësojnë aftësi në krijimin e animacionit nga dizajni fillestar, e deri tek produkti përfundimtar (film, video, animacione dhe lojëra të simuluara, kampanja të ndryshme inovative, modele 3D dhe vepra arti). Programi Arti dhe Mediat Digjitale është një shembull dhe platformë profesionale për zhvillimin e mëtejshëm për inkuadrimin në fushat profesionale për punësim në industrinë kreative.
Lagjia Kalabria 10000 Pristina, Kosovo
038 541 400
