Apendeciti akut është një irritim apo inflamim dhe më pas infeksion i papritur i të ashtuquajturit “appendix vermiformis”. Zakonisht shkaktohet nga një bllokim i brendshëm i appendix-it, për shkak të fryrjes së gjëndrave limfatike që ai përmban dhe ngushtësisë së diametrit të brendshëm. Apendeciti akut është shkaku më i zakonshëm i urgjencave kirurgjike. Shkaqet Ndodh kur organi mbushet me elementë që shkaktojnë fryrjen e tij, të tilla si mukusi, fekalet, parazitët, trupat e huaj ose gurët, rritja jonormale e gjëndrave limfatike, ndonjëherë edhe nga tumore. Ngecja e këtyre materialeve çon në rritjen e numrit të mikrobeve të pranishme në appendix, zhvillimin e tyre dhe infeksionin e organit duke e bërë të domosdoshme ndërhyrjen kirurgjikale. Mosha më e rrezikuar Zakonisht prek moshat nga 6 deri në 20 vjeç dhe më rrallë fëmijët nën 4 vjeç apo të moshuarit. Nëse sëmundja nuk trajtohet shpejt, infeksioni mund të përhapet në organet përreth dhe në hapësirën e barkut duke dhënë kështu një peritonit. Kjo ndodh më lehtë te fëmijët e vegjël për shkak të disa faktorëve anatomikë dhe të vëvshtirësisë që ka kjo moshë për të shprehur simptomat që ndjejnë. Apandeciti prek njësoj të dyja gjinitë, është një patologji e vendeve perëndimore dhe më e rrallë në Azi dhe Afrikë (për shkak të dietës ushqimore). Simptomat Simptomat ndryshojnë sipas pacientëve dhe shumë varet nga mosha dhe pozicioni i apandecitit. Simptomat më të shpeshta mund të jenë:Dhembje abdominale në zonën rreth kërthizës ose në nivelin e stomakut duke u spostuar në kuadratin e poshtëm të djathtë të barkut ose të fillojë dhe të persistojë direkt në këtë anë; dhembja mund të shtrihet edhe në të gjithë barkun në rast të përhapjes së infeksionit (peritonit)Të përziera dhe të vjella;Humbje të oreksit;Temperaturë edhe pse jo shumë e lartë (37,2 - 38°C)Ndonjëherë dhembje të këmbës së djathtëNdryshime në sjellje te fëmijët e vegjëlKapsllëk ose diarrePamundësi për të nxjerrë gazratFryrje të barkut Kur duhet të paraqitemi te mjeku? Sa herë që keni dyshimin se një dhembje e barkut mund të jetë për shkak të apendecitit, duke konsideruar simptomat e lartpëmendura. Nëse mendoni se keni apendecit nuk duhet të pini lëngje apo të konsumoni ushqime të tjera në mënyrë që të mos rëndoni simptomat dhe të jeni gati për një ndërhyrje të mundshme kirurgjikale. Gjithashtu rekomandohet të mos merrni qetësues dhembjesh apo antibiotikë të cilët do të maskonin gjendjen e vërtetë klinike. Për më shumë informacion, kontaktoni në inbox ose në numrat e telefonit 038 221 661 ose 049 513 513. Spitali Amerikan, Përqafoje Jetën!