Përshkrimi
Pozitë e hapura në Akademinë jCoders
Pozita: Trajner
Departamenti: Training
Qyteti: Mitrovicë dhe Prishtinë zyjra Arbëri
Angazhimi: 40 orë në javë (Orar i plotë)
Përshkrimi i jCoders
Akademia jCoders është një institucion që ofron trajnim në fushën e teknologjisë për nxënësit e moshës 7 deri në 18 vjeç. jCoders është e akredituar nga Autoriteti Kombëtar i Kualifikimeve, përveç kësaj, ne jemi i vetmi institucion në ballkan që mbanë vulën e cilësisë së edukimit STEM nga Cognia dhe punën me nxënës e bëjmë me shumë dashni dhe krenari.
jCoders gjindet në 4 qytete të ndryshme të Kosovës, dy degë në Prishtinë, një në Pejë, një në Mitrovicë dhe një në Gjilan. Si një qendër trajnuese udhëheqëse, ne jemi të përkushtuar për të fuqizuar mendjet e reja me edukimin më të avancuar në teknologji, për të nxitur një pasion për lëndët STEM dhe për të përgatitur gjeneratën e ardhshme të inovatorëve të teknologjisë.
Përveq trajnimeve që mbahen me nxënës, ne gjithashtu jemi te dedikuar në zhvillimin e kurrikulave të reja, përditësimin e metodologjisë së punës, dhe mbajtjen e ngjarjeve të ndryshme teknologjike për nxënësit tonë. jCoders ka një rol aktiv në shoqëri, ku ne jemi implementues të projekteve të ndryshme siç janë Tech Heroes, Film Making Courses dhe Bridge 1 dhe 2. Kjo e bën jCoders një ambient të punës i cili nxitë kreativitetin dhe inovacionin jo vetëm për nxënësit tanë por edhe për gjithë ekipin.
Roli dhe Përgjegjësitë:
Trajneri është përgjegjës për të udhëhequr dhe mbështetur studentët gjatë procesit të mësimit dhe zhvillimit të tyre në fusha të ndryshme teknologjike. Ky rol përfshin:
- Planifikimi dhe Përgatitja e Mësimeve: Përgatitja e materialeve mësimore dhe planeve të mësimit që janë të përshtatshme për grupmoshat specifike dhe që përmbushin objektivat e programit të jCoders.
- Mbajtja e seancave mësimore : Mbajtja e seancave edukative interaktive dhe praktike në temat si programimi, robotikë, elektronikë, dhe fusha të tjera të teknologjisë.
- Monitorimi dhe Vlerësimi i Progresit: Monitorimi i progresit të nxënësve, ofrimi i feedback-ut konstruktiv dhe vlerësimi i performancës së tyre për të siguruar që ata po mësojnë dhe përparojnë sipas planit.
- Mbështetja dhe Mentorimi: Ofrimi i mbështetjes dhe mentorimit individual për nxënësit, duke u ndihmuar të kapërcejnë sfidat dhe të zhvillojnë aftësitë e tyre teknologjike.
- Krijimi i Një Ambienti Pozitiv Mësimor: Sigurimi i një ambienti inkurajues ku nxënësit ndihen të motivuar për të mësuar dhe eksploruar teknologjinë.
- Bashkëpunimi me Stafin Bashkëpunoni me trajnerët dhe anëtarët e tjerë të stafin për të përmirësuar vazhdimisht kurrikulën, teknikat e mësimdhënies dhe eksperiencën e nxënësve
- Bashkëpunimi me Prindërit: Bashkëpunimi dhe komunikimi efektiv me prindërit për të informuar mbi progresin dhe nevojat e nxënësve.
Cka kërkohet nga aplikantët:
- Diplomë Bachelor në Edukim, Shkenca Kompjuterike ose një fushë të ngjashme (ose përvojë ekuivalente pune)
- Aftësi të shkëlqyera në gjuhën angleze, në lexim, shkrim dhe të folur.
- Njohuri të forta të koncepteve të ndryshme të teknologjisë.
- Aftësi të forta komunikimi dhe prezantimi, me aftësinë për të angazhuar dhe motivuar nxënësit e rinj.
- Durim, empati dhe entuziazëm për të punuar me fëmijët.
- Aftësi për të mbajtur një atmosferë mësimore pozitive dhe respektuese.
- Gatishmëri për të përsëritur, realizuar detyra, luajtur me mjete dhe materiale, dhe për të modeluar mendësinë e fëmijës.
Benefitet:
Ne ofrojmë pagë konkuruese në treg, zhvillim profesional dhe një mundësi për të bërë një impakt pozitiv në jetët e të rinjve. Bashkohuni me ekipin tonë ku mund të kontribuoni në formësimin e së ardhmes së edukimit në teknologji.
Për të aplikuar ju lutem plotësoni formularin:
Aplikimi është i hapur deri me datën 18 Gusht 2025
-
Numri i telefonit:
-
Numri i celularit:
Shto një rishikim
-preview.jpg)
Rishikimet e klientëve