Kompania Neptun Kosova sh.p.k është në kërkim të një Agjenti të Shitjes me Shumicë,
Pozicioni kërkon një individ të motivuar, të aftë në ndërtimin e marrëdhënieve dhe me aftësi të forta të shitjes  të ndihmuar kompaninë në zgjerimin e tregut dhe rritjen e shitjeve të produkteve tona.

Detyrat dhe Përgjegjësitë:

• Zhvillimi dhe menaxhimi i portofolit të klientëve me shumicë.
• Identifikimi dhe sigurimi i klientëve të rinj potencial për të rritur volumin e shitjeve.
• Negocimi i marrëveshjeve dhe kontratave me klientët në përputhje me politikat e kompanisë.
• Monitorimi dhe analizimi i trendeve të tregut për të përmirësuar strategjitë e shitjes.
• Këshillimi i klientëve për produktet dhe zgjidhjet më të përshtatshme, bazuar në nevojat e tyre.
• Vizita në baza rutinore te klientët aktual.
• Përditëson të gjitha listat e çmimeve, shitjeve dhe raporteve sipas kërkesës nga mbikëqyrësi përkatës,
• Bashkëpunimi me departamentet e tjera për të siguruar dërgesa të sakta dhe shërbime efikase për klientët.
• Pjesëmarrja në evente dhe panaire për të promovuar produktet e kompanisë dhe për të zgjeruar rrjetin e kontakteve.

Kërkesat:

• Përvojë e mëparshme në shitje, preferohet në fushën e shitjes me shumicë.
• Aftësi të forta në komunikim dhe negocim.
• Aftësi për të punuar në mënyrë të pavarur dhe në ekip.
• Aftësi të mira organizative dhe të menaxhimit të kohës.
• Leje drejtimi dhe aftësi për të udhëtuar sipas nevojës.

Neptun Kosova sh.p.k ofron:

• Pagë konkurruese dhe bonuse në bazë të performancës.
• Trajnime profesionale dhe mundësi për zhvillim të mëtejmë.
• Ambient pune profesional dhe bashkëpunues.

Si të Aplikoni:

Ju lutem dërgoni CV-në dhe letër motivimi përmes email hr@neptun-ks.com me subjektin Aplikim për Agjent i shtijes me shumicë, Afati për aplikim është deri më 10.10.2024.

Kushtet e punës: Kompania Neptun ofron një paketë benefitesh tërheqëse, duke përfshirë një pagë të bazuar në merita dhe vlerësim të performancës.

*Të gjitha aplikimet do të trajtohen me konfidencialitet të plotë sipas ligjit: Nr. 06/L-082 te vendosur nga Kuvendi i Republikes se Kosoves me dt:30.01.2019 “LIGJ PËR MBROJTJEN E TË DHËNAVE PERSONALE”

Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor.

Gjeografikisht, Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoni Veriore, Mali i Zi dhe Holandë, me afërsisht 6'000 punonjës në total.

Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me pakicë, industrinë minerare, sistemin bankar, turizmin, energjinë, logjistikën, etj.

Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale.