Përshkrimi
Oda Ekonomike Gjermano-Kosovare shpall konkurs
për Asistent/e Projekti
(orar i plotë/ 40 orë në javë)
Fillimi i punës përgjatë muajit shtator 2025
Kush jemi ne?
Oda Ekonomike Gjermano-Kosovare (OEGJK) është një organizatë e fokusuar te anëtarët e saj, e përkushtuar për të fuqizuar lidhjet ekonomike bilaterale ndërmjet Kosovës dhe Gjermanisë. E themeluar me iniciativën e Ambasadës Gjermane në Prishtinë, OEGJK aktualisht përfaqëson mbi 200 kompani anëtare që së bashku punësojnë më shumë se 40,000 punonjës.
OEGJK këshillon, përkrah dhe përfaqëson kompanitë gjermane në Kosovë që synojnë të investojnë, të zhvillohen ose të zgjerojnë aktivitetin e tyre. Po ashtu, ne mbështesim kompanitë kosovare që tregtojnë me Gjermaninë përmes një game të gjerë shërbimesh, duke u krijuar mundësi për rrjetëzim dhe zhvillimin e biznesit në të dyja vendet. Si zemra e komunitetit të biznesit gjermano-kosovar, organizata jonë luan një rol aktiv në përmirësimin e mjedisit afarist për kompanitë anëtare, duke siguruar një zë të respektuar për to.
Për të avancuar këtë mision, ne po kërkojmë një profesionist kreativ dhe të motivuar që t’i bashkohet ekipit tonë si Asistent/e Projekti. Kjo pozitë ofron një mundësi unike për zhvillim profesional dhe për të kontribuar drejtpërdrejt në fuqizimin e komunitetit të biznesit gjermano-kosovar.
Përgjegjësitë e punës
Në këtë rol, përgjegjësitë tuaja kryesore do të përfshijnë:
- Asistencë në hartimin dhe menaxhimin e projekteve si dhe mbarëvajtjen e projekteve të OEGJK-së.
- Asistim në kërkesat biznesore të kompanive anëtare të OEGJK-së.
- Organizim i ngjarjeve dhe punëtorive sipas projekteve.
- Menaxhim i dokumenteve përkatëse të projekteve.
- Përditësim i të dhënave të brendshme të OEGJK-së.
- Të ketë njohuri bazike mbi sistemin dual të arsimit
- Përvojë pune së paku 2 vjeçare.
- I/e diplomuar në Ekonomiks, Administrim Biznesi, Financë, Juridik
- Ke aftësi të mira të komunikimit dhe organizimit të punës.
- Vet-iniciativë, përgjegjësi dhe aftësi për të punuar në grup.
- Njohuri të shkëlqyera të gjuhës angleze dhe të gjuhës gjermane.
Çfarë ofrohet
Ne ju ofrojmë:
- Ambient pune atraktiv dhe modern, në zemër të Prishtinës.
- Sigurim shëndetësor për ju dhe familjen tuaj.
- Mundësi për zhvillim personal dhe profesional.
Vlerat organizative
- Ne vlerësojmë lojalitetin, kolegjialitetin dhe punën në ekip.
- Ne jemi një organizatë agile me kulturë të hapur ndaj feedback-ut. Rezultatet e punës i masim sipas vlerave tona: integritet, mirësjellje, përgjegjësi dhe sinqeritet.
- Ne jemi organizatë dinamike që i përshtatet kërkesave dhe nevojave të anëtarëve tanë.
- Tek ne, çdo punonjës gëzon pavarësi në punë.
- Ne mirëpresim idetë e reja dhe i zhvillojmë ato më tej.
- Ekipet tona janë ndërdisiplinore, dhe rrjetëzimi është shumë i rëndësishëm për ne.
Instruksionet për aplikim
Nëse jeni të interesuar për këtë mundësi, ju lutemi të dërgoni CV -në tuaj.
Aplikacionet pranohen vetëm në formë elektronike. Ju lutemi të mos e kontaktoni OEGJK-në për informacione ose pyetje paraprake. Vetëm kandidatët e përzgjedhur për intervistë do të kontaktohen.
-
Numri i telefonit:
-
Numri i celularit:
Shto një rishikim
-preview.jpg)
Rishikimet e klientëve